我最喜愛商場 十大得獎者出爐

第六屆「我最喜愛商場選舉」由《香港經濟日報》主辦，目的旨在表揚本地嘅傑出商場。經公眾熱烈投票和評審團嚴格遴選，各獎項經已名花有主，包括「全港10大我最喜愛商場」、「全港25大我最喜愛商場活動」、「最佳商場Facebook專頁」及「最佳商場應用程式」。

石Sir講冧把 睇好盈富基金

噚日假港島海逸君綽酒店舉行「我最喜愛商場大獎2017-18」頒獎典禮，除咗有一眾評審為各得獎商場頒獎外，更邀請咗旅發局主席林建岳及支付寶港澳台區總經理李詠詩作為嘉賓講者，分享2018年「無現金消費」趨勢，讓業界更了解消費市場動向，為未來作更佳嘅準備。

《晴報》社論主筆、《經濟日報》副社長兼研究部主管石鏡泉（石Sir）亦係頒獎禮主禮嘉賓，噚日恒指又創新高，投資氣氛高漲，有石Sir在場，大家當然期待佢透露心目中嘅「冧把」啦，石Sir無令大家失望，在台上風趣幽默咁分享咗佢對股市睇法，更話睇好盈富基金（02800），事關當開放咗同股不同權後，估計內地有百隻IT股會來港上市，為恒指成分股帶來改變。黛安見現場嘅商場精英都聽到笑逐顏開，相信大家都覺得聽完石Sir一席話就必有斬獲啦！