LAMY海港城開旗艦店 $105起買靚筆練字

黛安發現近年多咗人鍾意寫字，而且仲鍾意西洋書法同lettering（畫字）𠻹。鍾意寫字嘅朋友一定識得有近90年歷史嘅德國鋼筆品牌LAMY，呢個牌子出名設計簡約同實用性高，又靚又好用，價錢仲好合理。噚日LAMY喺海港城開咗旗艦店，黛安都有去佢哋嘅開幕典禮。舖頭同產品一樣，奉行實用而又簡約美嘅設計，感覺好舒服！

噚日黛安同LAMY嘅國際營銷總監Ralf Krueger傾偈，佢話簡約實用、有質素、唔譁眾取寵，就係LAMY最典型嘅設計。除咗鋼筆，店內仲有原子筆、走珠筆、鉛芯筆等，價錢由$105到$4,600都有，豐儉由人。其中一個最受歡迎嘅系列Safari，每年都推出新嘅限定顏色，一支鋼筆都只係$240至$320，新手入門啱晒！

旗艦店仲有連墨水同配件嘅box set發售，有LINE嘅熊大、仲有香港獨家嘅熊本熊套裝，超萌呀！下星期起會有特別版賀年禮盒裝，單買一支筆加$260蚊就買到禮盒，送禮一流。