拍動作片親身上陣 小齊激讚張家輝唔錫身

張家輝及任賢齊（小齊）等前晚在啟德郵輪碼頭出席新片《沉默的證人》煞科儀式。二人在片中有連場動作場面，家輝更多次被飾演反派的小齊拳打腳踢，最慘有時因為NG而再硬食幾拳，令小齊覺得不好意思。

家輝與小齊繼04年《大事件》後再合作，小齊透露片中的他是一個大奸角，而且動作戲也不少。「不過家輝最辛苦，我哋三個賊輪住打佢，佢要打爛仔交，有時又要硬食我一拳，我覺得家輝係『拼命三郎』，有場戲我要掟佢落枱，之後佢仲要嚟多take，我都覺得唔好意思。」

家輝笑指該場戲戴了護墊，所以整個過程很安全，但小齊坦言難免會受傷，被問到可有傷到重要部位？他即表示沒有，但家輝則笑說︰「無咗啦！無咗啦！」

今次與荷里活動作導演雷尼克林（Renny Harlin）合作，小齊說︰「佢畫啲分鏡好精準同清楚，有場戲我哋喺葵涌碼頭拍，但出嚟係中環背景，佢話要拍出香港靚景畀大家睇。」小齊又搞笑謂︰「唔知點解荷里活電影一定有去街市斬雞，次次都有唐人街嘅感覺。」

外籍導演愛港產片

曾執導過《虎膽龍威2》的動作導演雷尼克林，對於首次執導華語片，他直言自小就愛看港產片。問他為何找張家輝演出？他說︰「佢係全世界最好嘅男演員，我好幸運佢鍾意我哋個劇本。」

撰文︰Pauline

編輯：林梓添

美術：梁政敏