麥當勞食招財福堡 加$30換布甸狗公仔

農曆新年就快到，今年係戊戌狗年，麥當勞好應節咁聯同布甸狗，推出招財福堡系列同多款新春限定美食。由今日（19/1）起，率先同大家見面嘅有黃金脆薯牛堡同招財牛堡，下個月起，更會推出黃金脆薯雞堡同招財雞堡！喺推廣期內只要買任何招財福堡超值套餐，仲可以拎到一套四款麥當勞美食主題利市封𠻹！

歎美食之餘，布甸狗仲會化身萌爆嘅小福星布喜公仔登陸麥當勞，包括「開運吉星」、「萬事吉星」、「紅運福星」同「平安福星」，只要由下星期四(25/1)起，買任何食品加$30，就可以帶走一隻布甸狗福星布喜公仔，黛安都好想即刻帶隻返屋企！另外，McCafé仲推出咗布甸狗杯墊，推廣期內購買一套4張嘅McCafé飲品換領劵（$100），即可免費得到一套2款布甸狗杯墊！