霍啟剛爆囝囝似阿媽唔輸得

霍啟剛和郭晶晶昨早帶住囝囝霍中曦一齊參與渣馬「家庭跑」，雖然短短400米，但中曦表現得非常落力，啟剛和晶晶更與囝囝手拉手齊齊跑，相當溫馨。

第二次帶囝囝參加親子跑步活動，啟剛爆囝囝有好勝心。「上次真係足3K，囝囝都無停過，佢好搞笑，唔鍾意輸，似阿媽嘅心態，上次跑嘅時候叫佢攰就休息下，佢會講︰『唔可以停㗎，停就會輸。』呢個唔係我嘅天份，係天生嘅。」他又指九個月大的女兒，開始學講話。