蔡思貝跑半馬興奮失眠

一年一度渣打馬拉松賽事昨晨順利舉行，今年有多位星級跑手參與賽事，包括曾多年參加賽事的徐濠縈，還有蔡思貝、林奕匡、湯怡、徐榮、鄧佩儀及胡諾言等，大部分都對成績表示滿意。

蔡思貝今年參加半馬賽事，並以1小時47分跑畢全程，賽後更獲教練吳輝揚稱讚，二人一齊接受訪問。思貝已跟吳教練跑了十多年，她表示︰「我喺外國讀書時，每年暑假都會返嚟參加比賽，自從入咗娛樂圈，瞓覺都無時間，依家26歲，但身體好似30、40歲，唔夠運動，喺廠經常吹冷氣，搞到個人好虛，所以要趁後生操體能。」她直言前一晚睡不着，眼光光，個人好緊張。

徐濠縈跑得輕鬆

徐濠縈對跑馬拉松有豐富經驗，今年策略是輕鬆跑，以4小時16分完成全馬。她笑言︰「同幾個朋友傾住偈跑，喺西隧口見到自己個廣告。」阿徐強調賽前準備就是早睡，出發前一定要食飯才有力氣跑足全程。她更說跟老公陳奕迅代言不同運動品牌，故不會一齊跑。

胡諾言同樣是挑戰全馬，他用了3小時43分完成，比去年成績更好。他自爆︰「夜晚十點瞓覺，點知阿仔喊，阿女又叫我，搞到一點再瞓，但四點要嚟到準備，真係有驚無險！」

撰文︰Pauline

編輯：陳禮恒

美術：梁政敏