emoji《晴報》探班 同事心心眼

黛安平時用手機都覺得emoji表情符號好得意，聽公關姊妹講，即日起到下個月28號，一共36款emoji會跳出手機屏幕，現身大埔新達廣場，同大家迎新歲，相信必會成為好多大人、小朋友嘅打卡熱點！其中兩隻emoji隊友噚日更去咗經濟日報集團及《晴報》探班，搞到成班同事好鬼興奮，個個變晒心心眼，爭住同佢哋影相！

公關姐妹話今次emoji嘅「笑聲報喜迎新春」活動，會喺場內設置5個大型主題布置，包括馬戲團表演大舞台、福祿壽全摩天倫、運轉乾坤旋轉木馬、心心相印熱氣球同「好運滾滾來」遊戲攤位，贏咗遊戲仲可以免費得到emoji限定揮春𠻹。黛安知道，只要消費滿指定金額，仲可以換到emoji利市封㗎！