《溏心3》台慶捧蛋 陳敏之直認好失望

無綫萬千星輝頒獎典禮各個獎項已塵埃落定，不過重頭劇《溏心風暴3》卻捧蛋而回，就連賽前大熱的陳敏之也未能憑該劇奪最佳女配角，敏之坦言自己無獎不失望，反而《溏心3》食白果卻令她始料不及。

陳敏之在《溏心3》中既與唐文龍連場激咀床戲，甚至只穿內衣出鏡引來話題，但卻失落最佳女配角，最終輸給朱晨麗，《溏心3》更加連一個獎都沒有。

敏之昨日出席奶粉品牌活動時稱：「得唔到獎其實係另一種鼓勵，會提醒自己再努力，畀心機去演好每個角色，向女主角進發。」敏之表示自己也睇好「大小姐」林淑敏，最後由朱晨麗奪得，她都會送上祝福。不過，《溏心3》全晚捧蛋就直言感到失望，事關她很想這個劇奪得最佳劇集，無奈其他候選名單都好強及出色，「《不懂撒嬌的女人》都好好，2018年再努力囉，我無唔開心，只係有少少失望啫。」

另外，楊洛婷早前返了加拿大，陪爸爸接受換心臟及腎臟手術，她很感恩手術過程相當順利，日前還跟嫲嫲慶祝89歲生日。「其實爸爸已經係第二次接受換心手術，都等咗三個月，今次呢個心臟同腎都係來自同一個人。最近都有好多開心事發生，我個女出世100日喇，細佬個女又滿月，所以好感恩。」

採訪︰Pauline

編輯：林梓添

美術：梁政敏