傳女友吳千語搭上富三代 林峯即劃清界綫

林峯昨日出席網劇《PTU機動部隊》記者會，一身警察制服的他笑指自己首次「制服誘惑」，但當提到吳千語疑搭上「百億富三代」時，林峯即苦笑表示︰「呢啲你問番佢。」

已有五年沒有在港拍劇的林峯，昨日與蔡卓妍（阿Sa）、張繼聰及溫碧霞等出席《PTU機動部隊》記者會，眾人更一身警察制服亮相。林峯在劇中飾演PTU，與飾演其上司的阿Sa有感情綫，該劇預計拍至三月底。已約滿英皇娛樂的他，對於有傳簽約古天樂的公司，林峯否認︰「我係簽畀Ronnie（古天樂經理人），同宣萱同一個經理人。」

多次與吳千語傳出情變的林峯，提起女方即表示︰「佢依家喺橫店拍緊嘢，我哋有Keep住聯絡，但感情就唔講，要講都講晒。」有傳吳千語搭上「百億富三代」？林峯即苦笑︰「佢都係藝人，唔使我代答。」昨日阿Sa自爆拍攝一場爆炸戲時發生了小插曲。「因為就位，所以企近咗，點知炸爆時啲碎片彈到我塊面，瘀咗少少，不過都安全嘅，所以唔怕毁容。」

張繼聰封殺未解決

張繼聰雖然缺席台慶頒獎禮，但《誇世代》監製陳維冠在得到「最佳劇集」時答謝他，阿聰笑言︰「我拍劇拍到出汗癬，佢提我個名，就對得住我啲汗癬。（明年坐現場睇頒獎？）諗都唔敢諗，公司同公司間有嘢未解決，可能我連將軍澳隧道都未必入到。」

撰文︰倪小珊

編輯︰林梓添

美術︰梁政敏