宣萱唔信詩詠續約換獎

宣萱憑《不懂撒嬌的女人》Mall姐一角，在台慶頒獎禮賽前呼聲甚高，當晚缺席的她最終敗給同劇的唐詩詠，但宣萱仍大方祝賀對方，也認同頒獎給演員都是一份鼓勵。

宣萱昨早現身尖沙咀擔任零食店開幕剪綵嘉賓，談到日前她缺席台慶頒獎禮，似乎預知未能奪得視后。宣萱解釋當天真的要工作，事前都講明不一定趕及到場。對於同劇的唐詩詠首度封后，宣萱也替她高興。「咁多年嚟詩詠都付出好多，我都有恭喜佢。我哋一齊拍呢套劇，我覺得佢做得好好，佢覺得機會唔大，但我認為世界係好難講，佢攞到獎我都戥佢開心，代表我哋套劇得到一個獎。」

對於自己被封為民選視后，宣萱多謝大家支持，有傳詩詠因為在頒獎禮前續約以換得視后獎項，宣萱立刻替詩詠平反︰「唔會啦！其實每年都會有呢啲傳聞，1999年宣布我得獎咪又係有人咁講，每個獎總會有人同意、唔同意，每個演員都付出過努力，得獎應該係開心。」

唔鍾意埋堆

提到頒獎禮當晚阿姐在台上一番「山頭論」令全場拍掌支持，宣萱笑言自己身處無綫的年代尚算不錯，她不排除每間公司都有這種事，只是她不喜歡埋堆。「啱傾啲，啲人就覺得我埋堆，所以鍾意講咩就講咩啦！」當年她獲監製梁家樹看重，屢獲欽點擔演劇集女主角，更被觀上「梁家婦女」之稱號，宣萱笑言︰「我好開心佢畀我好多機會，對我嚟講最重要係人夾人。」

採訪︰Pauline

編輯︰林梓添

美術︰梁政敏