農夫做7-Eleven生招牌 宣揚輕鬆歎啡之道

「有無睇7-Eleven Daily Café個廣告？農夫真係好生鬼！」「C君幫陸永抹嘴嗰一幕好好笑！」最近7-Eleven搵嚟啱啱喺TVB台慶攞咗「最佳節目主持獎」嘅農夫拍廣告，宣傳效果好好，令到好多人知道7-Eleven咖啡全新驚喜價只賣$14（適用於各款冷、熱即磨咖啡，特濃咖啡更只需$9），睇完個廣告專程走去7-Eleven歎番杯。

咖啡劃一賣$14

聽負責今次宣傳策劃嘅7-Eleven營銷及市務部代表、高級經理Cherry講，搵農夫代言，係希望幫Daily Café呢個品牌打造年輕活力嘅形象，所以就拍咗「女神篇」及「呵欠篇」兩個故仔，希望透過廣告強調「人人輕鬆享受」嘅主題。今次團隊仲策劃咗360度全方位宣傳攻勢，由社交媒體宣傳短片、店內宣傳品、戶外廣告、以至報章雜誌都包括在內，加深大家對Daily Café香濃即磨咖啡嘅印象。

雖然杯咖啡賣得平，但質素一樣有保證。7-Eleven營銷及市務部董事Elman同黛安講，Daily Café去年起選用100% Arabica咖啡豆，而且部咖啡機仲係瑞士進口，沖出嚟嘅咖啡杯杯醇郁芳香，好有水準。其實黛安向來都係Daily Café嘅捧場客，一來7-Eleven梗有一間喺左近，夠方便，依家價錢仲抵飲咗，之後一定幫襯得更多。