坐國泰港龍 跟黃佩霞練「空中瑜伽」

黛安平時都有做開瑜伽，但就從來都無諗過喺飛機上都可以學做瑜伽，今個月開始就可以喺國泰航空同國泰港龍航空嘅機艙度試下喇！Pure Yoga瑜伽中心同國泰航空推出咗一個全新一系列六集嘅機上娛樂節目「瑜伽伴你同行Travel Well with Yoga」，內容包括一系列嘅瑜伽同冥想短片。

Pure Yoga創校老師Patrick Creelman同埋資深瑜伽導師黄佩霞，喺節目度會負責介紹同示範各種適合喺登機前、機艙內同落機後練習嘅瑜伽動作同冥想法，短片仲好細心咁設有英文、廣東話、普通話同日語版。黛安知道，呢啲動作係專為旅客設計，幫助促進血液循環、改善關節靈活度同平靜思緒𠻹！下次黛安搭飛機嗰陣，都要試下做「空中瑜伽」先得！