周日逛糖廠街市集 歎滋潤湯品

近日天氣又再轉涼，搞到黛安成日都想食啲熱嘢驅走寒意。咁啱最近太古糖廠街嘅周日市集以「滋潤湯品」做主題，點可以唔去睇下喎？

今次喺糖廠街擺攤嘅舖頭都大有來頭，好似之前兩個星期日，大會就搵咗東京表參道嘅人氣麵包咖啡店「Bread, Espresso & HK」，將日式健長湯帶到現場；而今個星期日（28/1）就有韓國米酒酒吧「SSAL BORI SSAL」及「馬來亞春色綠野景致艷雅」兩家餐應，供應韓式魚糕湯和肉骨茶。另外，當然唔少得滋補嘅粵式老火湯啦！大家到時可以喺現場飲到良茶隅及原作家湯嘅出品。

歎靚湯之外，今個星期日市集入面仲會舉行微型蔬菜綠色工作坊。

提提各位駕駛人士，只要喺糖廠街市集消費，仲可以$17優惠價泊車兩個鐘㗎！（詳情可瀏覽www.facebook.com/tongchongstreetmarket）