陳瀅拍《平安谷》克服睇鬼片

陳瀅在劇集《平安谷之詭谷傳說》中，角色短短出場幾集便已經被燒死，但卻令陳瀅留下深刻印象。她回想起當時在墓地拍攝，兼且要躺在墓穴內更是心驚膽顫。

陳瀅昨日出席護膚產品活動，談到剛於前晚播出《平安谷之詭谷傳說》中，她被燒死的場面，陳瀅說︰「雖然我嘅戲份唔多，但今次嘅角色係我拍劇以來最鍾意嘅一個。」

幸無遇到靈異事件

她指當時既要躺入墓穴、又被雨水淋濕身，但經過今次拍攝後，似乎已克服對鬼片的恐懼。「以前我唔敢睇鬼片，依家大膽咗，相信之後可以入戲院睇。」鬼妹仔的她稱，拍攝時都乖乖的不敢四圍走和亂碰物件，幸好拍攝過程中無遇到怪事。

陳瀅去年趁聖誕放假返加拿大探親，愛滑雪的她結果弄到手腳滿布瘀傷。「玩snowboard要趁後生先有體力玩，過幾年體力無咁好就唔敢玩喇。」談到舊愛何猷亨獲細佬安排結識異性，陳瀅表示不知道，不過與猷亨仍有聯絡，至於是否有機會復合，她就笑笑口說暫時還是單身。

另外，提到台慶頒獎禮，她指雖然頒獎禮當晚身在馬來西亞，但也有留意賽果，打算稍後會相約「M club」一班姊妹，還有朱晨麗等一齊食飯慶祝。

採訪︰Pauline

攝影︰林良明

編輯︰林梓添

美術︰梁政敏