出爐視后狂吸負評 唐詩詠尊重網民留言

唐詩詠昨日抱恙到銅鑼灣出席眼鏡品牌活動，對於日前她獲封「視后」，網上出現很多不滿聲音，又有傳她在蔡思貝獲「最受歡迎電視女角色」時「黑面」，詩詠強調近日病住也有睇網民留言。

昨日所見，一臉倦容的詩詠聲沙沙未康復，她透露︰「其實我之前已經有啲咳，頒獎禮之後即時去睇醫生，之後都暈咗幾日！」詩詠坦言近日生活都是吃藥後大昏迷︰「醫生只畀咳藥我食，但加重分量，所以呢幾日每日昏迷四個鐘後，起身食藥再昏迷！」詩詠不諱言最感動是頒獎禮當晚「肯聽她呻、又肯陪她瞓」的田蕊妮，還有好姊妹翠如BB︰「黃翠如特登夜媽媽去尖沙咀買碗河粉去到我屋企等。」

對於她在頒獎禮當晚，被影到蔡思貝獲獎時她竟然木口木面，網上有Cap圖為詩詠平反，指她親自留言回覆網民，自爆撞正生理周期出現「有間歇性痛楚」。

多謝支持者

昨晚她笑言有上網了解。「我明白每個人都有支持同唔支持、鍾意同唔鍾意嘅人，首先我要多謝支持我嘅人；對於唔支持我嘅人，我尊重佢哋。」

撰文︰Steven

編輯︰林梓添

美術︰李明