《捉妖記2》北京首映 梁朝偉自爆被胡巴考起

梁朝偉昨日與吳君如到北京出席賀歲電影《捉妖記2》的全球首映禮，在片中飾演賭徒「屠四谷」的偉仔，直言跟CG角色演戲有難度，而飾演妖怪的君如則興奮與偉仔碰面，她笑言：「今日聽到佢講自己的農曆新年大計，不知幾難得。」

偉仔直言十分喜歡第一集《捉妖記》，覺得胡巴與妖世界非常過癮，所以很開心可以飾演「屠四谷」一角。但身為影帝的他，卻自爆拍攝時被考起︰「因為淨係對住空氣做戲。」戲中除了小妖王胡巴外，新登場的妖怪笨笨也跟偉仔有大量對手戲，偉仔笑言︰「雖然我跟笨笨表面上互相欺負，但實際上係愛對方的。」

此外，熱愛滑雪的偉仔，透露今年會留港度歲︰「會出去同朋友拜年，不過我唔打麻將的。」而君如就大賣口乖，說年初一至年初十的節目都是睇胡巴︰「個女超鍾意胡巴，覺得佢好可愛，今年當然要繼續入場支持。」至於導演許誠毅更透露，畫了一張胡巴的畫送給君如囡囡，𠱁得對方非常開心。

撰文︰倪小珊

編輯︰林梓添

美術︰梁政敏