項明生率義工 緬甸助災民建屋

香港雖然地少人多，但我哋仍有基本乾淨衞生嘅生活環境。但幸福非必然，經歷08年嘅風災之後嘅緬甸，至今仍有大量居民住喺衞生惡劣、結構危險嘅房屋，黛安就知道旅遊達人項明生（James）獲委任做「仁人家園建屋大使」，會喺下月帶領一班義工去緬甸一星期，幫當地居民起屋，畀佢哋一個溫暖嘅家。

James話，今次活動要招募100名青年義工，香港就要40名，不分男女、毋須任何建屋經驗，年齡介乎15至35歲。去到當地需要切竹紮竹、鋸木搬木、搬運建築材料等，雖然辛苦，但值得。

Bloomberg會贊助2名青年的活動開支，包括機票、交通、食宿。想參加嘅話，就要係facebook同ig帖文拉票，講出參與原因，最後會喺最多like嘅頭10名入面，選出5個人面試，經遴選後2名優勝者就可以獲得贊助，詳情可留意http://habitat.org.hk/hylb_myanmar_c/，截至報名日期係本月15號。