新地旗下26商場 推App訂枱泊車

天氣咁凍，出街最好就係行商場啦。黛安知道新地推出咗一個「新地商場」App，涵蓋旗下26個商場，下載之後可以透過Eat E-asy、Park E-asy等平台，預約商場內嘅食肆食飯、實時查閱車位數目等，真係好方便！

公關姐妹話，呢個App仲享有超過140個商戶、近400項優惠，好似泊車優惠、消費獎賞等，啱晒一家大細假日消費，或者小情侶拍拖用。首階段先涵蓋11個商場，包括apm、東港城、新城市廣場等，今年下半年就會齊晒26個商場可享用啦。

為慶祝新App推出，市民消費滿指定金額，仲即刻可以參加大抽獎，獎品同優惠總值200萬元！黛安都即刻download先。