周柏豪苦無時間造人

「星夢娛樂」老闆何哲圖昨日率領旗下一班歌手包括周柏豪、吳若希（Jinny）、何雁詩、鄭俊弘、胡鴻鈞等為無綫娛樂新聞台拍攝新春節目。阿嬌鍾欣潼宣布與醫生男友訂婚，柏豪和吳若希聞得圈中又多一樁喜訊也表示可喜可賀。

已婚之人柏豪和Jinny知悉阿嬌覓得歸宿後送上祝福，柏豪表示與阿嬌在電影《原諒他77次》中有對手戲，算是合作過，會恭喜對方︰「近一、兩年圈中好多人結婚，又有好多小生命誕生，都係開心新聞。」Jinny已做了媽媽，柏豪又計劃幾時做爸爸？他笑謂︰「能力有但時間未有。早排經常唔喺香港，前幾日諗住得閒就想揸車出去，點知可能擺太耐搞到電池撻唔着！」不過他說本身很喜歡小朋友，一定會生兒育女，只是現階段未是時候，而他也有向身邊一些已為人父母的朋友請教。

Jinny就表示第一年派利市，要大破慳囊取其好意頭，她說會考慮帶女出席公司團拜會，見見一班同事。

與老公暫時分居

Jinny自從誕下女兒淼淼後一直在澳門定居，稍後將「回流」香港為新碟錄音，她笑言︰「同老公惟有暫時『分居』啦！」新春期間Jinny仍會抽時間返福建的家鄉探親。此外，有報道指Jinny早前抱着女兒和老公去拜會有「鬼王」之稱的金剛上師陳果齊，她承認本身篤信佛學，那些也只是一個儀式，祈求心安理得而已。

採訪、攝影︰Pauline

編輯：黃卉彤

美術︰Simon