吊帶林嘉欣 寒風中曬鑽飾

本港近日持續低溫，然而前晚林嘉欣出席首飾品牌體驗店開幕禮時仍衣衫單薄，不過敬業的嘉欣就甘願捱凍，着得靚靚好讓大家看到她的鑽飾。

前晚於嚴寒天氣下穿低胸吊帶裙的林嘉欣，戴上價值逾百萬元鑽飾現身，問她不怕凍嗎？她立刻披上大褸笑說︰「好凍呀，但係戴上身嘅鑽飾要畀人睇到，無理由着住樽領衫戴鑽石，不過凍到口唇都震晒就要着番件衫。」嘉欣笑言還借用了女兒的暖水袋取暖。

「2010」別具意義

嘉欣表示第一粒鑽石是工作賺錢送給自己的，雖然要用放大鏡才睇到，但滿足感卻很大，之後收的鑽石就是結婚戒指。問她會否為女兒準備嫁粧？她說︰「阿嫲留咗一對龍鳳鈪，但我哋有四姊妹唔夠分，一隻送咗畀我家姐，另一隻就喺我嗰度！」另外，昨日的品牌體驗店以保險庫為主題，牆身每個保險箱上都繡上一組數字。嘉欣透露「2010」對她來說別具意義︰「我喺2010年結婚同生第一個女，組織屬於自己家庭，所以2010年係我人生好豐收、滿足嘅一年。」

農曆年將至，嘉欣坦言最近買了桃花和辦年貨，又與女兒一起寫揮春及自製利市封，團年飯就會一家大細到家姐屋企吃飯，她透露今年會親手做鯉魚形的年糕送給朋友。

撰文：Pauline

攝影︰林良明

編輯︰林梓添

美術︰Simon