投資不是請客食飯

美股經歷黑色星期五之前，內地股市已曾出現閃崩，本欄罕見於內地急跌、港股仍歌舞昇平之際，甘冒被批評風險，全周發文持續提醒風險，亦是基於看到敗象的焦慮，連向來樂天派如我者，及華爾街既得利益者，都在不約而同加入唱淡陣營，仍嚷着、呻着跌市走唔甩者還可怪責誰？

港股去年表現向好，不少朋友的投資成績一洗頹風，今年一月港股更贏盡全球，刷新歷史紀錄，升勢轉急，投資者情緒高漲，一面倒以為最安全的時候，可能就係第一類型最危險時刻。上周所聽所見，市場專家仍在喪推內銀股，理由仍離不開追落後，個個話個市跌唔落。

不少萍水相逢者每見「股評人」，開場白總是︰「啲股票升咁多，你地實賺好多啦！？」究竟是問題、抑或是肯定的假設、或假設的肯定，連自己都搞不清楚，可能行內人太注重面子，「擺門」成風，是以人人以為行內人好風光吧！

只是知我者，都知小女子每天不是撲來撲去、東奔西跑，就是湊仔和跟好朋友聚頭，四出品嘗美食，投資不是人生全部，更不是請客食飯，不能那樣隨意從容不迫隨心所欲，投資者大部分時間反而是處於被動狀態。

現實是，所謂賺好多，幾多才夠多？因人而異也，許多東西並非金錢銀碼可以衡量，有家人朋友在身邊，有平安喜樂健康，比上不足比下有餘，食得落，瞓得着，就是賺了。

（本欄逢周一、三、五刊登）