《棟篤特工》連環謝票 子華犧牲情人節

黃子華昨日與佘詩曼到荃灣宣傳賀歲片《棟篤特工》，子華的感情生活一向低調，他直言今年要忙於吃團年飯及到戲院謝票，應該沒有時間慶祝情人節。

子華、阿佘及專家Dickson等昨日出席商場活動，分享拍攝《棟篤特工》趣事，又與現場觀眾行catwalk。子華曾為電視劇唱主題曲大受歡迎，但他竟自爆︰「係監製叫我唱，其實我好憎唱。同埋今次首主題曲好正經，所以都係留畀鄭欣宜唱，我喺側邊搞笑就得。」對於忙到無時間慶祝情人節，子華謂︰「聽講我哋套戲預售反應唔錯，呢個年頭預售好，係唔容易嘅，所以一定要去謝票。」

唔靠無綫一樣掂

今次《棟》片由蕭定一公司投資，但對方與無綫有官司糾紛，所以電影未能在無綫宣傳。問子華可有感到蝕底？他指過往開棟篤笑騷，無綫總會播放他的劇集，令外界以為是無綫替他宣傳，但其實︰「最重要都係靠自己。」至於佘詩曼則表示不清楚官司進展，對於少了一個宣傳平台，她表示︰「學子華話齋，都要靠自己實力。」

撰文︰倪小珊

編輯︰陳禮恒

美術︰熊偉然