李亞男出食譜 告別「地獄廚神」

李亞男推出首本食譜《暖．男廚房》昨日舉行發布會，獲好姊妹岑麗香和王君馨到場支持，令亞男一洗昔日「地獄廚神」的污名，成為入得廚房出得廳堂的靚靚人妻。

婚前廚藝一塌糊塗的亞男，在發布會上表示今次終於「破地獄」。「以前煲湯只識得落味精，做咗人妻後開始有改變，又會問媽咪同奶奶，會認真研究點樣煮。」她又表示老公王祖藍絕對彈過無數次。「最初煲雜菜湯，我會落好多味精，但係佢仲好捧場，直到我話落咗好多味精，佢就覺得好怪，個樣好唔開心。我覺得自己好失敗，仲喊到要佢𠱁番我，嗰次後我決定要學好廚藝，又四圍向煮嘢好叻嘅長輩請教。」

鼓勵人妻入廚

亞男表示這本食譜主要是鼓勵其他人妻、女友，由廚藝一竅不通，到有一天成長。不過亞男並沒有透露初版印幾多本，但老公已訂購了很多本，又買來送給親友。問到她一班姊妹的廚藝是否跟她差不多？亞男稱︰「我唔夠膽講，不過臥虎藏龍都未定，Linda（鍾嘉欣）喺加拿大都有同我一齊研究同分享廚藝心得。」

採訪︰Pauline

攝影︰林良明

編輯︰林梓添

美術︰陳超雄