小丸子校園跑 加推1場今報名

小丸子嚟咗香港啊！「動起來」主辦嘅「櫻桃小丸子校園跑HK 2018」，將會喺4月8號假東涌欣澳海濱長廊舉行。公關姐妹話，前日開始報名後，就有超過5,000人參加，差唔多滿晒額，所以決定喺4月7號加推一場！

姐妹話，第二輪報名一樣分個人5公里跑、繽紛跑個人組同親子組，今日早上10點起就可報名。5公里跑係$400，繽紛跑同親子組就分別係$380同$760起。

今次活動除咗有小丸子之外，仲有3年4班嘅同學仔，好似小玉、野口、花輪同學都會一齊嚟到現場大顯身手！黛安自細就好鍾意小丸子，嚟緊都會約埋朋友報名參加！報名網頁︰http://www.doitnow.hk/marukorun。