老公陪對稿 大小姐林淑敏無嫁錯

在無綫處境劇《愛．回家之開心速遞》中飾演「大小姐」一角爆紅的林淑敏，昨日在馬鞍山出席《都市閒情》活動，在劇中經常出警告信給同事的她，笑言現實中從不會給丈夫Warning Letter︰「我唔敢呀，因為老公負責畀家用。」

獲老公愛錫的林淑敏，不禁大讚老公說︰「老公無投訴過我惡，我有時拍得太多集數，個腦轉唔切，佢就陪我對戲，我真係無嫁錯人呀！」她表示情人節要跟「送水輝」許家傑拍《愛．回家》，所以未能陪老公︰「老公唔會呷醋，許家傑女朋友都未呷醋啦。」提到「大小姐」角色十分惡，她笑說︰「其他人以為我鬧人無底綫，有街坊見到我，仲叫我出封Warning Letter畀佢，代表大家鍾意個角色，我覺得好幸運。」

姚嘉妮屋企變託兒所

同場的姚嘉妮提到因流感肆虐，政府宣布小學及幼稚園停課時說︰「早咗成個星期（放新年假），好彩有媽咪同工人姐姐幫手，我屋企可以做臨時託兒所，叫啲小朋友過嚟，一齊玩無咁悶。」她表示會做足預防措施，用消毒噴霧及戴口罩︰「今次流感我都覺得好犀利，早幾日拍劇吹咗兩日風，都嘔咗七次又發燒，但無時間睇醫生，好彩最後靠自己食藥好番。」

撰文︰李潔盈

編輯︰林梓添

美術︰招潤洪