同張寶兒首度情人節 袁偉豪落廚製驚喜

袁偉豪（Ben）和張寶兒拍拖接近一年，二人即將共度首個情人節，雖然張寶兒不幸患上感冒，但Ben卻不怕被傳染，與女友親熱，又事先張揚會為女友下廚炮製大餐。

袁偉豪昨日為保健食品拍廣告，他坦言希望拍劇外亦能建立更多正面形象。談到男人最擔心的脫髮問題，他表示︰「託賴保養得幾好，只係有時受天氣影響，脫髮比較多少少，（髮綫向後移？）咁都算正常，視乎（髮綫）位置啦，其實都可以好man同有魅力嘅。」

未考慮送戒指

談到今年是他與張寶兒首次一齊過情人節，Ben自爆已準備了一份有心思的禮物，還打算親自下廚︰「我會去街市買啲靚嘅食材，然後親自下廚，（廚藝可以嗎？）都OK㗎，可以招呼朋友咁啦，（會唔會送戒指？）咁又急咗啲！」提到女友病了，情人節不能錫錫？他笑謂不怕，事關自己身體很強壯。

另外，張寶兒昨日出席無綫節目《今期流行》開鏡拜神。患上感冒的她表示之前去了泰國拍《學是學非》，可能一下子身體未能適應而病倒。記者笑問豈不是不能錫男友？她尷尬地笑說︰「希望佢唔會畀我傳染啦，我都想快啲好番，不過條街好多人，多數留喺家中煮嘢食。」

對於周柏豪早前在更衣室被偷拍，男友袁偉豪也有類似經歷。張寶兒謂明白大眾可能對藝人感到好奇，但始終偷拍不太正確。「我個人就未試過更衣被人偷拍，可能女藝人比較着緊，有經理人和助手幫忙留意周圍情況。」

採訪、攝影︰Pauline

編輯：林梓添

美術：招潤洪