捐$500 入營參加饑饉30

新年係同屋企人團圓嘅日子，不過幸福唔係必然，世界各地仲有好多難民因為戰亂而飽受痛苦。黛安每年都會參加宣明會舉辦嘅「饑饉30」，幫難民籌款之餘，仲可身體力行感受難民飢餓之苦。今年饑饉30會喺4月7-8日於香港仔運動場舉行，主題係「飢餓─看不見的暴力」，為敘利亞、南蘇丹、緬甸若開邦衝突影響嘅難民籌款，只要喺3月23日或之前籌款$500或以上，並成功繳付入營最低籌款額，就可以入營喇！

公關姊妹同黛安講，今年嘅饑饉大使林嘉欣，仲有一班饑饉之星，例如吳業坤、林奕匡、胡鴻鈞、許廷鏗等都會出席開幕禮，現場仲會有分享會同音樂會！做善事之餘又可以聽音樂，黛安等陣再叫多啲朋友一齊參加先！