滿福樓新春盆菜 蘿蔔雕砌五福臨門

年近歲晚，黛安近日頻頻去唔同地方食團年飯。早前應《晴報》專欄作家、萬麗海景酒店的公關黃詩詩之邀，去滿福樓食賀年盆菜。黛安一向都好鍾意食盆菜，而獲獎無數的滿福樓，食物向具質素，今次新春盆菜亦無令黛安失望，上面鋪滿鮑魚、原粒瑤柱脯、花膠、海參、北菇、蠔豉等矜貴食材，真材實料！當晚黛安一行五人去光顧，大廚仲好有心機以蘿蔔雕出五個「福」字放在盆菜上面裝飾，寓意五福臨門，真有心思！當晚，我仲喺餐廳遇到識飲識食的《晴報》社長麥華章，佢亦大讚盆菜好味。

提提大家，新春盆菜由明日起（2月16日至22日期間）供應，每位盛惠$680，最少四位起。除咗堂食，亦可以外賣返屋企（外賣自取連陶瓷器皿需另加$250），同親朋好友擦餐勁，一樣咁正！