黃心穎帶姨甥女圓公主夢

黃心穎和三位家姐不時在社交網站上載四姊妹合照，被外界封為「一門四美」，身為細妹的心穎日前就帶二家姐黃心妙及姨甥女Leila為香港迪士尼樂園拍攝宣傳短片。

黃心穎昨日自爆童年時經常玩扮公主遊戲，不過三位家姐爭住做公主，而男仔頭的心穎就被迫做小王子。因此今次帶姨甥女入迪士尼，是希望Leila能化身小公主，代她完成夢想。心穎表示︰「我細細個就渴望做公主，但係扮公主永遠唔輪到我，三個家姐成日都唔同我玩，例如細個打羽毛球，我只負責執波。」當工作人員為Leila打扮成《魔雪奇緣》的「Elsa女王」時，心穎坦言心裏莫名感動。「因為每個小朋友都想做公主，佢喺鏡度睇到自己變咗身，個笑容好真誠。」

參與巡遊起舞

到正式拍攝時，姨甥女Leila表現淡定無扭計，心穎更盡力引她發笑。之後又一起欣賞巡遊，Leila與其他小公主們聯同一班巡遊主角共舞，為拍攝畫上完美句號。對於首次與二家姐及姨甥女工作，心穎表示非常創新及富挑戰性，勾起很多童年回憶，同時又為Leila建立了一段難忘經歷。

撰文︰Pauline

編輯：林梓添

美術：梁政敏