粉紅西餐 少女心大爆發

少女們終於等到了！一系列粉紅色美食，已經在餐桌等待閣下享用。走小清新路綫的Cafe「鳥語」，向以牛油果美食及慢活氣氛，深受一眾文青、少女喜愛。2月份的浪漫氛圍，更令店子推出粉紅Menu，包括頭盤、餐湯、主菜、甜品及飲品，大廚以紅菜頭、紫椰菜調出色調，百分百無添加。

最吸睛要數自家手作粉紅鳥海鮮忌廉意粉，看賣相以為倒瀉「雪糕」？其實「雪糕」是混入紅菜頭汁的意大利軟芝士，食時可以將紅菜頭軟芝士拌勻海鮮意粉，增加鹹香味，質感亦滑溜，或試試將意粉捲起，放進雪糕筒內，扮食雪糕。另一款主菜推介，有吉列老虎蝦咖喱伴粉紅波波飯糰，師傅將加入紅菜頭汁、紫菜、明太子及芝麻的飯糰搓成球狀，一客有5個波波飯糰及5隻炸蝦，中間更伴有咖喱汁，這咖喱集合日式的甜香及印度式的香料味，將飯糰加點咖喱汁同食，Oishii。

甜品也有驚喜，自家手作粉紅士多啤梨慕絲蛋糕肯定是甜美收結，慕絲蛋糕的輕柔質感，是用士多啤梨朱古力自家製，餅底亦是朱古力味，食出雙重朱古力滋味。

鳥語Floom Floom

地址︰尖沙咀厚福街12-12A號藍馬商業大廈10樓

電話︰5425 4733

營業時間︰星期日至四，12nn-10:30pm；星期五及六，12nn-11pm