海港城醒獅巡遊 凌緣庭點睛賀歲

聽日就係年初七「人日」，相信不少打工仔會趁「生日」善用新年利市獎勵自己。黛安噚日經過海港城，遇上有醒獅賀歲活動，現場唔單止見到「城城」郭富城，星光熠熠，仲有九倉靚女執行董事凌緣庭（Yen）主持金龍和醒獅點睛儀式，非常熱鬧。

黛安同阿Yen拜年，佢話今年經濟暢旺，海港城大部分商店年初一已經營業，人流如鯽，整體人流比往年上升9%。點睛儀式過後，醒獅隊仲在海港城巡遊，向商戶同客人拜年，吸引咗好多人圍觀同影相，好多小朋友見到醒獅隊都好興奮，認真有新年氣氛。黛安同阿Yen傾咗一輪，差啲唔記得買禮物，好彩最後喺海港城買到心頭好，神秘禮物遲啲先開估啦。