陳秀雯唔急復出拍劇

蔡楓華、陳秀雯、葉振棠及蔣嘉瑩等歌手將於四月初在灣仔伊館開騷，在昨日記者會上，久未亮相的陳秀雯直認只為湊熱鬧，再次公開演唱並不緊張。至於拍劇方面，她坦言未遇到好劇本。

陳秀雯昨日在記者會上，直認今次為了前亞視監製楊紹鴻而答允上台，她表示以往跟對方合作無間，今次只是來湊熱鬧。早前深夜重播《壹號皇庭》，一班演員也有出來聚舊，問她會否考慮再拍劇？陳秀雯稱︰「要睇下劇本同角色，因為之前拍咗好多好嘅，依家要揀下。」她透露亞視曾邀請她做節目，奈何因檔期問題而泡湯。

蔡楓華演唱不為錢

蔡楓華在台上開玩笑表示，與楊監製曾經有「過節」。「當時佢帶挈我去廣州做啲演唱會，我拍電視劇《愛情安哥》做男主角時，佢又放我去拍戲，所以我真係同佢有啲過節嘅，今次演唱會少少錢，唉……其實都無所謂，我真係唔係為錢而嚟。」蔡楓華又透露將會翻唱關正傑的經典金曲，他坦言很懷念以往的日子，又自言目前仍有keep住跑步操fit，他坦言入行至今仍然在學習唱歌：「學無止境，希望我可以愈唱愈好，我覺得現在比年輕時唱得更好。」

撰文︰Pauline

攝影︰林良明

編輯：林梓添

美術：梁政敏