當年承諾向全港派利市 城城捐錢找數

剛於去年底榮升爸爸的郭富城，昨日出席海港城賀歲醒獅活動，除了敲打大銅鑼，並為金龍和醒獅點睛。城城明言希望今年成功追個仔，湊成個「好」字。

昨日穿上唐裝現身的城城，在台上興奮表示︰「多咗個女又結咗婚，家庭生活十分開心。今年特登提早放假，享受下家庭樂，做咗爸爸嘅心情到依家仲好興奮。」司儀問城城狗年有甚麼願望？他立刻表示︰「追個仔啦！」

提到近日有電視台搵到24年前城城在熒幕承諾，他日結婚定必向全港市民派利市，問他會怎樣「找數」？城城說不可能逐家逐戶去派，因此會將一筆錢捐到UNICEF（聯合國兒童基金會），希望將自己的福氣代表香港市民傳承下去。

今年想追B仔

城城不諱言今年特別開心，目前囡囡Chant已五個月大，是否想追個仔？他坦言郭媽媽好鍾意抱孫︰「依家媽媽有得抱孫女，但係都成日同我哋講：『你睇下你個女幾得意，快啲追番個仔。』其實我哋好孝順，會盡量努力，不過都要順其自然，希望今年追番個仔啦。」問到他想生幾多個小朋友？城城坦言若太太方媛不怕辛苦，可以生多幾個。城城又表示今年食團年飯特別熱鬧，除了外父、外母，還有家姐的孩子。他笑謂︰「人生已經好圓滿，如果生多個仔就係滿上加滿，盤滿砵滿！」

城城自爆平日會餵囡囡食糊仔，下一步希望可以幫她沖涼。「不過我怕太大力，所以換片喺側邊睇，太太試過幫佢沖涼，唔小心畀佢飲咗啖水，（湊女難過跳舞？）真係難過跳舞好多，又要𠱁佢瞓覺。不過希望開工前可以帶佢去公園玩。」

採訪︰Pauline

攝影︰林良明

編輯：林梓添

美術：梁政敏