美國開騷 克勤收利市夠交囝囝學費

李克勤早前趁農曆新年，帶埋太太盧淑儀及兩個寶貝囝囝到美國拉斯維加斯開巡迴個唱兼過年。克勤笑言因時差關係，在香港及美國度過兩次年初一，令他十分開心。「初二同初三做兩場騷，剩係收觀眾利市都收到手軟，仲有歌迷送美金銀紙花畀我，收收埋埋都夠我個仔一、兩個月學費，非常感謝！」

完騷後，克勤即變回廿四孝老竇，為兒子撲飛欣賞歌手Bruno Mars的演出。「兩個仔都係Bruno Mars粉絲，好彩有貴人幫手先撲到飛，可以喺佢來港開騷前先睹為快，都好開心。」