女兒想要妹妹 朱茵追B講天意

朱茵昨日到尖沙咀出席醫學美容活動，提到現年五歲、就讀K2的囡囡黃鶯，朱茵笑言女兒開到聲想要妹妹，但問她可計劃再生小孩？她說︰「呢啲要靠天意，係緣份，要隨緣。」

朱茵昨日以白色連身裙現身，盡顯誘人身段。提到農曆新年假期，朱茵自言近年多數在內地工作，難得過年便一家人留港。

外出工作囡囡嬲豬

她笑言除了外出拜年，其他時間都在家中陪女兒砌模型、跳舞及唱歌。提到再追小朋友，她坦言囡囡曾問她何解沒有弟弟妹妹。「囡囡鍾意妹妹，但我覺得佢適合有個弟弟多啲，因為囡囡體能好，成日跑來跑去，老師話佢每日要出外半個鐘放電。」朱茵笑言，過年前已帶女兒到美國旅行，足足陪了她近兩個月，因此昨日她要外出工作，女兒立即生氣，她要𠱁番個女才出門。問到囡囡會否對她追魂Call？她笑說︰「囡囡會呀，仲識撳FaceTime，我要畀佢睇下媽媽嘅工作情況。」

撰文︰李潔盈

攝影︰林良明

編輯︰林梓添

美術︰梁政敏