救救明年賀歲片

新春大吉，萬事如意！每逢賀歲檔期，電影圈內一向關心的票房走勢，經廣泛報道而成為焦點，甚至成了入場指標之一。近年Marvel超級英雄片亦懂得「入屋拜年」，睇準了農曆年檔期的全球華人市場特別暢旺，前年二月推出《死侍︰不死現身》，本港票房勁收，今年的《黑豹》同樣稱霸賀歲檔，開畫七日累收逾3,260萬港元，更成為Marvel非續集票房No.1。

至於賀歲港片，黃子華的《棟篤特工》剛衝破3,000萬大關，梁朝偉的《捉妖記2》及劉嘉玲的《我的情敵女婿》票房則「黐住上」，各有捧場客。問題來了，觀乎坊間對今年賀歲片的評價，實在有讚有彈，普遍觀眾表示「但求開心過新年啫！」、「笑得出算係咁」，這反映出大家對賀歲片的要求降低，甚至已達無乜要求程度。若質素每況愈下，造成惡性循環，試問明年點算？可能要靠劉德華拍一部《嚦咕嚦咕新年財》續集，才能夠做到口碑和票房雙贏局面。