林欣彤走出情緒困擾陰霾

林欣彤（Mag）昨日出席「關注精神健康保障」活動，她以當年參加《超級巨聲》後一段受情緒病困擾的日子去勉勵台下觀眾，又說幸得身邊人鼓勵及支持，令她得以康復。

阿Mag重提當年難過的日子︰「真係好多謝我身邊嘅人。我知道有好多人都有情緒困擾，所以當初我承認有情緒病，目的都係想話畀大家聽，我試過，所以知道有幾辛苦，我想做一個同大家一齊跑嘅人，去鼓勵佢哋。」阿Mag說會寫歌來抒發心情。

Mag又透露年初三已開工，與老友陳慧敏到澳門唱歌，問到可有發新年財？她說︰「我唔敢賭錢㗎！我好驚，因為我好多時候都會輸，係無乜賭運嘅人，我覺得賭錢嘅感覺真係好恐怖。（試過輸好多錢？）咁又唔係，但又好少會贏，六合彩都好少買。」她又指，活動後約了『巨聲幫』的朋友食飯：「就算佢哋玩都應該唔會賭錢，真係賭嘅話我咪負責助興囉。」

陳倩揚盼追B女

同場還有陳倩揚，懷孕四個多月的她表示，今胎肚子大得很快，已育有兩子的她坦言想追個女。由於預產期預計在暑假，她怕屆時陪不到兩個仔，所以現在盡量抽時間陪他們。她說︰「三歲細仔知道就快做哥哥，每當我說『哥哥』時就問我叫邊個，好搞笑。」倩揚又表示工作能提升孕婦心情，又可當作胎教。

撰文︰Pauline

攝影︰林良明

編輯：黃卉彤

美術：李明