爭影帝平常心 鄭中基最想攞電影歌曲獎

新片《大樂師．為愛配樂》囊括本屆香港電影金像獎四項提名，有份角逐影帝的鄭中基（Ronald），前晚偕妻出席首映禮，他直言最希望憑新歌《沒聽過的歌》奪「最佳原創電影歌曲」獎，以洩多年前失落該獎之恨。

鄭中基拖着老婆余思敏現身首映禮，問他憑該片首次角逐金像獎影帝會否緊張？Ronald表示︰「男主角獎應該無咁好彩，提名多幾年先啦，今年主力原創歌曲獎。」他說之前做司儀更緊張，壓力也大，今年坐在台下等賽果，壓力反而減少。

余思敏考慮追B

十多年前先後憑《無賴》及《星光伴我心》獲提名過「最佳原創電影歌曲」獎，可惜鎩羽而歸，他坦言：「好想攞歌曲獎，因為之前失落咗，好想將輸咗嘅嘢由自己親手拎番。」Ronald笑言已把其餘爭帝對手都視為勁敵，但不少人都讚他在《大》片中演得好，他就說︰「多得導演馮志強在拍攝時禁止我搞笑，每當見到我失控就立刻喝停，否則一定忍唔住。」

太太余思敏會否為Ronald準備戰衣？她表示一定會把他扮得靚靚仔仔，身旁的Ronald即笑謂︰「呢個最難！」有人笑言第一次入圍不想「一擊即中」嗎？誰知Ronald卻想到「造人」，更忍不住偷笑，此時余思敏亦帶笑點頭。Ronald即望住老婆笑說︰「我問你嗰時又擰頭，依家又點頭！」記者問他兩者同時一擊即中好不好？他抵死表示︰「有無咁筍呀？」

娜姐睇好毛舜筠

同場的周秀娜憑《29+1》角逐影后，她認為對手強勁，自己能夠入圍已算是執到。她說︰「喺入行十周年入圍，都係有紀念價值，有人講過第一次入圍就得獎，（之後）會無嘢做㗎！」娜姐就睇好毛舜筠封影后。

採訪︰Pauline

攝影︰林良明

編輯：陳禮恒

美術：梁政敏