一田BB展下月開鑼 低至3折掃平貨

BB得意又可愛，黛安好鍾意同佢哋玩。最近獲悉一田百貨將會喺下月7到22號舉辦「活力BB用品展」，有近千款涵蓋衣食住行嘅BB用品，好多貨品都有折扣優惠，好似原價$340嘅嬰兒溫和抗敏洗衣液同嬰兒瞬效止敏乳霜，打咗29折後只賣$99。同埋BB展期間，只要用恒生信用卡選購BB用品單一簽帳滿$600，就有可額外有$25 Cash Dollars，各位精明嘅爸媽記得唔好錯過。

一田公關姊妹同黛安講，今次「活力BB用品展」會有六間分店參與，包括沙田新城市廣場、大埔超級城、荃灣廣場、屯門V City、觀塘apm及將軍澳東港城嘅一田分店。仲有，原來下月10號同11號喺荃灣廣場中庭仲有「BB爬行賽」，只要係6-12個月嘅BB，就可以報名；而12-18個月嘅BB就可參加「步行障礙賽」。精靈BB們，係時候出發啦！