狗狗專用露營車 駛入赤柱廣場

狗狗忠心又可愛，黛安身邊唔少朋友都有養狗，近年興起寵物旅遊，佢哋都想帶愛犬四出遊歷。黛安知道作為本港首個寵物友好購物商場嘅領展赤柱廣場，今年嘅年度大型狗狗嘉年華會以「狗狗歎世界」遊樂日為主題，由3月24日起一連10日，將赤柱廣場及美利樓打造成全港首個狗狗海濱旅遊體驗營，畀狗主同愛犬一齊結伴，體驗旅遊真樂趣。

公關姊妹話今次活動節目豐富，包括有獨一無二的「狗狗專用露營車」，畀狗主與愛犬在陽光與海風輕吹下，享受本地露營樂趣。此外，今年更首辦「最精采狗狗旅遊行程」設計比賽，參加者有機會贏取與狗狗同遊沖繩及其他豐富禮物；而喺3月24及25日，大會安排多個以旅遊為題的精采節目，狗主仲可以帶同愛犬，一同挑戰「最大相冊」的健力士世界紀錄𠻹呀！