東京虛擬坐頭等 連飛機餐收費$430

未必人人都有財力坐飛機頭等艙，日本公司打造號稱世界首個虛擬航空設施「First Airlines」飛機艙，只要付約430港元就可以坐上頭等艙享受，帶大家在虛擬世界用眼睛旅行、但又真正食到頭等級飛機餐。

「First Airlines」設於東京池袋，設施內用上A310及A340的頭等艙客位，亦真的請來曾經做過空中服務員的職員提供「服務」，從乘客入座就做乘客廣播及安全示範，之後「起飛期間」，屏幕窗戶景色會轉變，而椅子都會帶傾斜感覺。

顧客能揀選的「飛行地點」，包括夏威夷、巴黎、紐約、羅馬、紐約合共4個地方，First Airlines提供VR眼鏡，讓顧客「觀賞」目的地名勝，也會提供當地特色美食，讓顧客能夠「食咗扮去咗」，整個體驗歷時約100分鐘。