香港理財月 教市民做退休規劃

所謂未雨綢繆，黛安身邊嘅朋友近年都好積極理財，希望退休嘅時候可安享晚年。《晴報》姐妹就話，今年已經係第二年做「香港理財月」嘅Supporting Media，鼓勵大家培養良好嘅理財習慣，提早做好退休規劃，仲有逾90項活動畀大家免費參加。

噚日就係活動嘅啓動禮，有成百幾位嚟自政府、金融界、教育界等等嘅大使出席支持，包括財經事務及庫務局副局長陳浩濂、證券及期貨事務監察委員會主席唐家成。陳浩濂就話，其實加強金融理財教育係政府重點政策，除咗提升市民個人理財能力，仲對香港經濟有幫助。今次活動正正新增「理財教育獎」，嘉許為金融教育作貢獻嘅機構。「香港策略」指導委員會主席及投資者教育中心管治委員會成員陳子政話，希望借活動提升市民對嘅理財規劃意識，為退休未雨綢繆。