7-Eleven玩街頭急口令 2日送逾千包日本零食

「7仔零食多花款，數目多咗18款……」星期六去銅鑼灣shopping，咁啱見到好多人排隊玩一個街頭活動，仲念念有詞。黛安八卦行上前睇，竟然畀我撞到7-Eleven的好姊妹Christine以及幾位來幫手的《晴報》同事。我即刻上前打招呼，仲讚佢哋好勤力，星期六都開工。

Christine同黛安講，原來佢哋為咗推廣新一輪引入的18款日本直送人氣小食，星期六、日分別喺銅鑼灣及旺角擺設攤檔，同市民大玩急口令遊戲，送出大量小食。黛安現場所見，市民反應踴躍。據講由於活動太受歡迎，去到尾聲仲需要截龍𠻹，認真誇張！

難得去到現場，黛安當然有玩埋一份啦！不過我唸急口令就唔係咁叻，成績強差人意，只係勉強拎到獎品。但係聽Christine講，有10幾位市民就成功在10秒之內唸晒三個急口令，口齒咁伶俐，抵佢哋贏走一箱共18款零食返屋企！

吸引逾600人參加

雖然活動只係舉辦咗兩日，但已經吸引咗超過600人參加，總共派出逾千包零食。如果你錯過咗活動都唔緊要，事關大家幾時想食呢18款7-Signature零食，都可以隨時喺7-Eleven搵到㗎！