$150伊館聽國際無伴奏音樂會

黛安平時都會聽音樂會，最鍾意就係無伴奏合唱。黛安知道，香港青年協會「香港國際無伴奏合唱節」將於下禮拜五（16/3）揭幕，打頭陣嘅表演「國際無伴奏音樂盛典」會喺伊利沙伯體育館舉行。公關姊妹同黛安講，因為觀眾反應熱烈，由原本只得3月17號一場，依家加開埋3月16號一場，門票喺城市售票網公開發售，票價$150！

合唱節仲有其他精采節目，包括喺3月18至23日舉行嘅「西九與你這樣近」社區流動巡迴舞台，特別請咗3支國際知名嘅組合嚟表演，其中包括男子組合Accent。（詳情可瀏覽︰http://aca.hkfyg.org.hk）

另外，下月7同8日喺香港大會堂劇院仲會有「香港無伴奏合唱巡禮」𠻹！節目真係多到數唔完！