去McCafé食千層蛋糕 飲「美祿恐龍」

黛安平時得閒都會歎番杯「美祿恐龍」，即係喺香濃嘅美祿飲品入面，再鋪多層厚厚嘅美祿粉，嗰種滋味真係令人回味無窮！黛安知道，McCafé聽日（8日）起首推全新期間限定「McCafé X MILO恐龍系列」，呢個系列除咗有黛安至愛嘅「美祿恐龍」之外，仲有「岩鹽焦糖美祿咖啡」同埋「恐龍蛋糕層層疊」。

「岩鹽焦糖美祿咖啡」係用McCafé咖啡作為基底，再配搭美祿飲品濃郁嘅朱古力味同岩鹽焦糖，更加凸顯咖啡嘅香濃細膩，面上仲鋪咗層雀巢美祿可可球，「朱古力控」一定會鍾意！講完飲，就講下食，「恐龍蛋糕層層疊」即係朱古力味海綿蛋糕，蛋糕表層有榛子朱古力味燕麥脆脆，真係睇見都想食！