香港科學館 展出SOPHIE太陽能車

黛安係個愛車又環保之人，所以太陽能車就最合心意！黛安知道香港科學館由即日起至9月12日會舉行「SOPHIE—IVE的太陽能車驅動未來」展覽，展出由香港專業教育學院（IVE）工程學科師生研發嘅SOPHIE太陽能車。

展覽除咗展出第四代SOPHIE太陽能車同組件外，亦透過影片同實物部件，闡述環保而高效能嘅設計。康文署署長李美嫦噚日出席開幕禮致辭就話，SOPHIE太陽能車唔止實踐STEM教育精神，仲符合政府善用創新科技提升交通運輸成效嘅願景。為配合展覽，香港科學館同IVE仲安排咗第6代SOPHIE太陽能電動車喺前日（11日）首次喺香港公路行駛，由IVE青衣院校駛至香港科學館，展期到聽日（14日）咋，第四代就會展出至9月！真係唔可以錯過！