【聲明】港生活網站並無進行電話推廣活動

太古廣場變萬花筒 繽紛場景藝術增互動

發佈時間: 2018/03/14

對藝術有興趣嘅朋友相信都有留意到,太古地產旗下物業經常都充滿文藝氣息,繼太古坊之後,太古廣場都有藝術裝置登場!曾獲泰納獎提名嘅蘇格蘭當代視覺藝術家Jim Lambie,將會喺太古廣場中庭,將兩個成名作合二為一,成為佢最大型的藝術裝置《Spiral Scratch》,令廣場變成全新藝術空間!

黛安最欣賞就係Lambie善用日常生活可見嘅物件嚟創作,好似今次展出嘅成名作之一《The Strokes》,就係用黑白膠帶交織而成嘅漩渦圖案,起伏連綿地覆蓋整個中庭地面,就好似黑膠唱片嘅螺旋紋咁。而《Shaved Ice》就用油上繽紛熒光顏色嘅直梯,由地面延伸到天花,梯間仲嵌咗一塊塊鏡,令色彩、形狀、空間互相交織,企喺中間就好似萬花筒一樣!

藝術裝置會由今個月19號展出至下月8號,黛安真係好期待快啲置身於作品之中!

撰文: 黛安 消息特靈八卦公關
欄名: 八卦名利場