【聲明】港生活網站並無進行電話推廣活動

H&M基金會 辦環保時裝選舉

發佈時間: 2018/03/15

每逢轉季,大家都要添置新衣,但丟棄舊衫又好唔環保。H&M基金會就揀咗5個創意嘅環保時裝作品,佢哋衫褲分別用咗亞麻籽、甘蔗、菠蘿收割後嘅剩餘物,或用蘑菇根造成,可以直接喺土壤中分解,裏面仲有營養豐富嘅海藻,可以滋養同保護皮膚。即日起到今個月16號,大家可以上網投票,結果會喺20號於瑞典斯德哥爾摩舉辦嘅頒獎典禮上公布,最高得票者會有30萬歐元獎金(約291萬港元)。黛安希望咁創新嘅環保衣物可以快啲面世。

H&M公關姊妹同黛安講,今次第三屆全球變革大獎總共收集咗151個國家嘅2,600多份參賽作品,從中揀咗5個別具特色嘅優勝作品,包括農作物成衣、藻類服裝、智能縫紉、再生服裝、菌類時尚等。

H&M基金會董事會成員兼H&M行政總裁Karl-Johan Persson話,創新理念能夠促進產品同資源回收再利用嘅循環模式,唔再好似過去咁只有一次使用周期。

撰文: 黛安 消息特靈八卦公關
欄名: 八卦名利場