跳槽同老公合組公司 千嬅唔怕影響夫妻感情

楊千嬅、古天樂、吳君如及趙薇等，昨晚到尖沙咀出席香港電影導演會周年晚宴。千嬅約滿寰亞後不再續約，她大方承認即將離巢，與老公丁子高合作自組公司，方便安排工作，好讓她照顧兒子Torres。

「香港電影導演會」會長劉偉強表示，今年筵開38席，主題為「電影是愛的根源」。

嘉賓之一的千嬅透露，原來她在去年12月舉行跨年演唱會期間，已跟寰亞約滿。「老闆（林建岳）好好，好用心做好演唱會，依家只係同老闆轉咗合作方式，好似Freelance咁，唱片發行依然交畀寰亞，管理方面係我老公公司負責。」有指她因為想多些時間照顧家庭，才想自立門戶？她說︰「呢個係原因之一，因為囝囝開始大，想分配好啲時間，方便照顧佢，依家自組公司，假日、節日工作安排會好好多！」

避談黎明家事

跟老公拍住上，問千嬅可會擔心影響夫妻感情？她笑說︰「傾好咗無嘢嘅，我好信任老公，佢一直有開公關公司。」有指林建岳專注公職，減少娛樂事務，有傳千嬅好友余文樂也萌生去意，千嬅續說︰「我無聽過呢個傳聞，老闆處理生意非常有經驗，呢方面我好多時都請教佢。」

另外，提到千嬅前老闆黎明被傳將為人父？她反應甚大︰「吓，我唔知，我呢啲師奶，你問我菜心幾錢斤我就知！」

採訪︰Pauline

撰文︰Iris

攝影︰林良明

編輯︰陳禮恒

美術︰梁政敏