聯合國招大學生義工 開拓國際視野

做義工除咗幫到人，仲幫到自己拓闊眼界，甚至換來畢生難忘嘅經歷。黛安早前同幾位喺聯合國轄下嘅東南亞組織做完義工返嚟嘅本地大學生傾偈，佢哋同黛安分享運用自己嘅專業學術知識，為有需要嘅人發揮所長嘅心得，實在令人感到驕傲！

呢20位來自8間大學嘅學生，係經義務工作發展局同聯合國義工計劃組織嚴格篩選出嚟，喺舊年7月分別去咗孟加拉、柬埔寨、寮國等8個東南亞國家，參與為期約6個月的義工，包括推廣教育、資訊科技，協助解決貧窮、性別歧視等等嘅問題；有學生仲喺越南訪問過非法交易受害者！參加完活動，佢哋都話呢6個月為佢哋提供寶貴嘅人生經歷，擴闊國際視野，加深對其他國家文化嘅認識，之後都想繼續義務工作。

新一屆「聯合國義工計劃組織－香港大學生義工實習計劃」將於今年10月推出，大學生可透過所屬大學申請，有興趣嘅朋友記得留意喇。